- Kjarasamningar
- Styrkir
- Orlofsmál
- Um Kjöl
Ljósaganga á Akureyri gegn kynbundnu ofbeldi
Þriðjudaginn 25. nóvember kl. 16:30 fer fram ljósaganga á Akureyri í tilefni af alþjóðlegu 16 daga átaki gegn kynbundnu ofbeldi.
Átakið, sem á rætur að rekja til ársins 1991, tengir saman tvo mikilvæga daga — 25. nóvember sem er alþjóðlegur baráttudagur gegn ofbeldi gegn konum og 10. desember sem er alþjóðlegi mannréttindadagurinn. Markmið þessa átaks er að beita þrýstingi fyrir afnámi alls ofbeldis.
Í ár beinast sjónir sérstaklega að stafrænu ofbeldi gegn konum og stúlkum. Gangan hefst á Ráðhústorgi og þaðan verður gengið að Amtsbókasafninu þar sem Hjalti Ómar Ágústsson, sérfræðingur á Jafnréttisstofu, flytur stutt erindi.
Að göngunni standa Soroptimistaklúbbur Akureyrar, Femínistafélag Menntaskólans á Akureyri, Zontaklúbbur Akureyrar og Zontaklúbburinn Þórunn hyrna.
Skipuleggjendur hvetja íbúa til að taka þátt, mæta með ljós og ganga saman gegn ofbeldi.