Aðild að Fræðslusetrinu Starfsmennt

 

Starfsmennt – aukin hæfni starfsfólks – aukin gæði opinberrar þjónustu

Starfsmennt er fræðslusetur fyrir opinbert starfsfólk og opinberar stofnanir. Hlutverk Starfsmenntar er að bjóða opinberu starfsfólki aðgang að starfs- og símenntun til að efla hæfni sína og auka öryggi í starfi. Einnig aðstoðar Starfsmennt opinberar stofnanir við ýmis mannauðstengd málefni. Þjónusta Starfsmenntar er án endurgjalds fyrir ákveðna hópa þar sem samið hefur verið um greiðslur annað hvort í kjarasamningum eða samstarfssamningum við sjóði.

 

Þjónusta við einstaklinga

  • Aðgangur að fjölbreyttum námskeiðum og námi bæði innan framhaldsfræðslu og framhaldsskóla.
  • Samtal við náms- og starfsráðgjafa til að ræða ýmsar leiðir til starfsþróunar.
  • Ferða- og dvalarstyrkir eru í boði fyrir ákveðna hópa sem þurfa að sækja nám eða námskeið utan sinnar heimabyggðar.

 

Þjónusta við stofnanir

  • Aðstoð við að greina fræðsluþarfir og hæfnikröfur starfa.
  • Aðstoð við að setja upp fræðsluáætlun og koma henni í framkvæmd.
  • Spjall um ýmis konar mannauðstengd málefni.

 

www.smennt.is

Fylgdu Starfsmennt á Facebook

Fáðu sent fréttabréf Starfsmenntar

 

 

---------------------------------------------------------------------------------------

Við kjarasamningsgerð árið 2001 var eftirfarandi bókun gerð:
Bókun 1 Aðilar eru sammála um að efla símenntun starfsmanna með það fyrir augum að þeir verði færari til að takast á við sífellt fjölbreyttari verkefni og jafnframt að auka möguleika stofnana á að þróa starfssvið sitt þannig að það samræmist þeim kröfum sem gerðar eru til stofnana á hverjum tíma. Leitað verði samstarfs við önnur stéttarfélög og einstakar stofnanir, til þess að koma á starfstengdum námskeiðum í þessu skyni sem starfsmenn geti sótt án verulegs kostnaðar.

Verði það gert á þann hátt að á samningstímabilinu verði unnið að því að stofna sérstakt ,,Fræðslusetur" í samvinnu við önnur stéttarfélög. Hlutverk þess er að vera hugmyndabanki/umsjónaraðili/framkvæmdaaðili, að meta þörf fyrir fræðslu hjá einstökum stofnunum eða stofnanahópum og að hafa frumkvæði að því að búa til námskeið sem svara þeirri þörf. Sérstakt framlag að upphæð kr. 15.000.000 renni til þessa verkefnis þegar fengist hafa a.m.k. þrír samstarfsaðilar. Auk þess skal greiða árin 2002, 2003 og 2004 framlag er nema skal 0,15% af heildarlaunum. Þróunar- og símenntunarsjóður skal greiða til ,,Fræðslusetursins" samkvæmt reglum sjóðsins á hverjum tíma.

Í kjarasamningi sem gerður var vorið 2005 er eftirfarandi bókun:

Bókun 3 Aðilar eru sammála um að greiða áfram sérstakt framlag til Fræðslusetursins Starfsmenntar. Framlag þetta skal nema 0,25% af heildarlaunum frá 1. febrúar 2005 til aprílloka 2008. Fræðslusetrið verður áfram vettvangur samstarfs stéttarfélaga og ríkisins og skal vera opið fyrir samstarfi við fleiri félög en nú standa að því.

Í kjarasamningum 2011 og 2016 er bókun sem er samhljóma um áframhaldandi starfsemi Starfsmenntar.