Orlof að eigin vali

Líkt og áður býður Kjölur félagsmönnum sínum styrki að fjárhæð 24.000 kr. Undir yfirskriftinni „Orlof að eigin vali“. Þetta fyrirkomulag hefur notið vinsælda en 70 styrkir verða með þessum hætti veittir fyrir sumarið 2018. Styrkjunum er úthlutað með sama hætti og um vikudvöl í sumarhúsi væri að ræða. Styrkur er greiddur út að dvöl eða ferð lokinni gegn framvísun löglegra reikninga sem rekstraraðili gefur út á nafn umsækjanda styrksins. Orlofsávísun gildir fyrir orlofsdvöl á almanaksárinu 2018. Eftirfarandi reglur gilda um fyrirkomulag styrki vegna „Orlofs að eigin vali“:

• Greitt er fyrir gistingu utan orlofskerfis Kjalar stéttarfélags og annarra stéttarfélaga, þ.e. hótel, gistihús, tjaldstæði o.s.frv.
• Greitt er vegna leigu á hjólhýsi, fellihýsi eða tjaldvagni.
• Greitt er vegna hvala- og fuglaskoðunar.
• Greitt er vegna kostnaðar við skipulagðar gönguferðir með viðurkenndum ferðaþjónustuaðilum.
• Greitt er vegna skipulagðra hópferða, hestaferða, siglinga, fargjalda í flugi (að undanskildum flugávísunum í gegnum olofsvef Kjalar), ferða með rútu eða ferju o.s.frv.
• Ekki er hægt að framvísa kvittunum fyrir matarútgjöldum, bensíni og/ eða almennum ferðakostnaði.

Sækja þarf um styrkinn í síðasta lagi 4. apríl nk. á bókunarsíðu orlofsvefs undir „Umsóknir“.

Orlof að eigin vali gildir almanaksárið 2018.
Aldrei er greitt hærra en 50% af útlögðum kostnaði.