- Kjarasamningar
- Styrkir
- Orlofsmál
- Um Kjöl
Félagsmönnum Kjalar, stéttarfélags í almannaþjónustu, stendur til boða íbúð á sólareyjunni Tenerife sumarið 2019. Íbúðin er í La Caldera Del Rey á Costa Adeje. Frábærlega staðsett hús í rólegu hverfi skammt fyrir ofan verslunarmiðstöðina Siam Mall og Amerísku ströndina. Stutt er í verslanir, veitingastaði og alla þjónustu. Nútímaleg hönnun og glæsileiki einkennir húsið. Útsýnið frábært og sólsetrið engu líkt. Í húsinu eru þrjú svefnherbergi og þrjú baðherbergi.
Gisting er fyrir 6-8 manns. Einkasundlaug, garður/verönd með legubekkjum, stólum og borðum. Handklæði og lín til skiptanna. Í íbúðinni, sem er reyklaus, er nettenging/WiFi.
Gestir geta innritað sig frá kl. 16 á komudegi og þurfa að skila íbúðinni fyrir kl. 11 á brottfarardegi. Miðað er við flugáætlun WOW. Unnið er að kaupum á flugávísunum. Innifalið: Rúmföt, handklæði, gólfþrif og aðstoð og ýmist þjónusta eftir beiðni.
Gestir greiða 200 evrur í tryggingu við komu og fá endurgreitt við brottför ef ekki hlýst tjón af völdum gesta. Hægt er að sækja um íbúðina á orlofssíðu Kjalar, www.kjolur.is, frá 4. janúar 2019.