Fékkst þú úthlutað „Orlof að eigin vali"?

Á árinu 2025 úthlutaði félagið 150 styrkjum í „Orlof að eigin vali“ að heildarupphæð 4.500.000 króna. Hver styrkur nam 30.000 krónum og var honum ætlað að styrkja félagsmenn sem skipuleggja frí sitt á eigin forsendum.

Nú fer árið að nálgast lokasprettinn og minnir félagið á að nýta þarf styrkinn í tæka tíð. Endurgreiðsla fer aðeins fram gegn því að löglegur reikningur sé sendur inn fyrir 16. desember 2025.

Styrkinn má m.a. nota til endurgreiðslu vegna:

• gistingar á hótelum, gistihúsum og tjaldstæðum

• leigu á hjólhýsi, fellihýsi eða tjaldvagni

• skipulagðra ævintýraferða, t.d. hvala- og fuglaskoðunar, hestaferða og siglinga

• fargjalda í flugi, rútu eða ferju

• skipulagðra gönguferða hjá viðurkenndum ferðaþjónustuaðilum

Ekki er greitt fyrir leigu á orlofshúsum í gegnum orlofsvef stéttarfélaga, gjafabréf fyrir flug eða matar- og eldsneytiskostnað.

Félagsmenn sem fengu úthlutað en hafa ekki enn nýtt sér styrkinn eru eindregið hvattir til að gera það sem fyrst. Mundu að senda reikninginn á kjolur@kjolur.is og skrá inn réttar upplýsingar á Mínar síður til að tryggja greiðslu.

„Orlof að eigin vali“ er einstakt tækifæri til að gera fríið fjölbreyttara og auðveldara – láttu það ekki renna þér úr greipum.