Félagsfólk Kjalar getur nýtt sér fjölbreyttan stuðning bæði til fræðslu og heilsueflingar. Hér má sjá helstu upplýsingar um fræðslusjóð Kjalar, styrktarsjóðinn Klett og námskeið sem standa félagsfólki til boða án endurgjalds.
Fræðslusjóður Kjalar – aukin hæfni og starfsþróun
Fræðslusjóð Kjalar er ætlað að styrkja félagsfólk sem vill bæta við menntun sína eða sækja símenntun og starfsþróunar námskeið. Markmið sjóðsins er að auka hæfni félagsfólks og halda þekkingu þeirra á vinnumarkaði á traustum grunni. Til að sækja styrk þarf viðkomandi að hafa greitt félagsgjöld í að minnsta kosti 6 mánuði af síðustu 12 og styrkur miðast við greidd félagsgjöld. Félagsfólk á rétt á styrk gegn framvísun frumrits reiknings og staðfestingar á greiðslu. Einnig geta félagsmenn sótt um styrk til íslenskukennslu eftir að hafa greitt félagsgjöld í einn mánuð.
Styrktarsjóðurinn Klettur – stuðningur við heilsu og daglegt líf 
Styrktarsjóðurinn Klettur býður félagsfólki stuðning vegna fjölbreyttra þarfa s.s. sjúkra- og slysadagpeninga ef laun falla niður vegna veikinda eða slysa. Það er einnig hægt að sækja um styrki vegna sjúkraþjálfunar, líkamsræktar og gleraugnakaupa, auk þess sem ýmsar meðferðir og þjónusta falla undir sjóðinn. Allar greiðslur eru veittar á grundvelli reiknings sem ber nafn og kennitölu viðkomandi félagsmanns.
Námskeið félagsfólki að kostnaðarlausu
Kjölur stéttarfélag býður reglulega upp á fjölbreytt námskeið í samstarfi við fræðslu- og símenntunarmiðstöðvar. Þetta er liður í að efla bæði heilbrigði og menningu félagsfólks. Námskeiðin eru félagsfólki að kostnaðarlausu og skráð er sérstaklega á síðu félagsins um þau námskeið sem eru í boði hverju sinni. Þar má líka sjá samstarfsaðila og hvernig hægt er að skrá sig á námskeið.
Frekari upplýsingar og leiðbeiningar um umsóknarferli og núverandi námskeið má finna á vef Kjalar og með því að hafa samband við skrifstofu félagsins.
