Orkubú Vestfjarða ohf

Til að viðhalda og þróa þekkingu og hæfni starfsmanna á störfum sínum ber Orkubúinu að halda starfsþjálfunarnámskeið og gefa starfsmönnum kost á kynnisferðum eftir því sem við verður komið. Fulltrúar Orkubúsins og Kjalar stéttarfélags stuðla sameiginlega að mótun, vali og framkvæmd starfsþjálfunarnámskeiða. Námskeiðin skulu sérstaklega sniðin að þeim störfum hjá Orkubúinu sem fjallað er um hverju sinni og vera þannig uppbyggð að þau þjálfi og auki hæfni starfsmanna við lausn þeirra verkefna sem starfi þeirra tilheyra. Leitast skal við að halda námskeið sem fjalla um sem flest störf innan Orkubúsins. Námskeiðin og kynnisferðirnar skulu kostuð af Orkubúinu með mögulegri þátttöku starfsmenntunarsjóða. Starfsmönnum er skylt að sækja námskeiðin óski yfirmaður þess enda skulu þau haldin á venjubundnum vinnutíma starfsmanns ef kostur er en annars skal greidd yfirvinna vegna þátttöku í þeim. Námskeiðin og kynnisferðirnar veita ekki rétt til launahækkana. Til starfsþjálfunarnámskeiða teljast m.a. þau námskeið sem nauðsynlegt er að starfsmenn sæki svo þeir uppfylli þær kröfur sem starfinu fylgja.

Þegar nýr búnaður er settur upp skal viðkomandi starfsmönnum gefinn kostur á að kynna sér hann og þeim séð fyrir nægilegri þjálfun í meðferð og viðhaldi hans.

Þegar starfsmenn hafa aflað sér menntunar eða sérhæfðrar þekkingar, á viðurkenndum námskeiðum, í skólum eða öðrum menntastofnunum, sem nýtist í starfi þeirra, er starfskjaranefnd heimilt að meta námið til allt að tveggja launaflokka hækkunar. Nám skv. þessari grein skal að jafnaði viðurkennt af starfskjaranefnd áður en það er hafið komi það til álita til launahækkunar enda hafi það verið sótt utan vinnutíma starfsmanns. Launaflokkshækkanir fyrir námskeið sem sótt hafa verið fyrir 22. maí 2001, hafa verið felldar inn í grunnlaun.  Heimilt er að veita hækkun samkvæmt þessari grein oftar en einu sinni ef námið leiðir sannanlega til aukinnar hæfni í starfi.  Leiði námið sjálfkrafa til launaflokkahækkunar vegna aukinna réttinda kemur ekki til frekari hækkana á grundvelli þessarar greinar.

Starfsmanni sem aflað hefur sér réttinda sem nýtast í starfi og vinnuveitandi óskar að starfsmaður hafi áfram, skal heimilt í samráði við yfirmann að fara á námskeið til að tryggja að hann haldi þeim réttindunum.  Orkubúið mun í slíkum tilfellum standa straum af námskeiðsgjaldi starfsmannsins vegna námskeiðsins.  Um annan kostnað og hugsanlega launabreytingu vegna námskeiðsins fer um í grein 10.2.1 og grein 10.2.2 í kjarasamningi þessum.

Starfsmaður heldur launum sínum vegna námskeiða sem haldin eru á hefðbundnum vinnutíma.  Sé um að ræða námskeið sem haldin eru utan hefðbundins vinnutíma þá fær starfsmaður greidd laun skv. kjarasamningi að undanskyldum þó ákvæðum í kafla 2.5.

Meistarabréf 

Starfsmenn sem hafa meistarabréf í löggildri iðngrein fá 2% persónuálag fyrir hverjar 100 fein sem tengist starfi viðkomandi. Framangreint gildir ekki þar sem gerð er krafa um tiltekna framhaldsmenntun í starf sem tekið hefur verið tillit til við röðun þess í starfsmati.  

Hækkun samkvæmt grein þessari getur mest orðið 4% og skal taka gildi næstu mánaðamót eftir að starfsmaður leggur fram fullnægjandi gögn um námslok. Einingar eru aldrei tvítaldar.

Grunnpróf á háskólastigi. Ekki er gerð krafa um háskólamenntun í starfið. 

Hafi starfsmaður, sem sinnir starfi þar sem ekki er gerð krafa um háskólamenntun, lokið háskólaprófi allt að 180 ECTS, er heimilt að meta nám hans til 2% persónuálags fyrir hverjar 30 ECTS einingar.

Sé þessi heimild nýtt ávinnur starfsmaðurinn sér ekki persónuálag samkvæmt gr. 10.2.1, 10.2.3 og 10.2.4.

Hækkun samkvæmt grein þessari getur mest orðið 12% og skal taka gildi næstu mánaðamót eftir að starfsmaður leggur fram fullnægjandi gögn um námslok. Einingar eru aldrei tvítaldar.

Sjóðnum, sem starfi samkvæmt markmiðum staðfestum af stjórn O.V. og Kjalar stéttarfélags, ber að tryggja fjárhagslegan grundvöll símenntunar og endurhæfingarnáms starfsmanna í tengslum við störf þeirra.

Markmið sjóðsins eru: