Trúnaðarmenn Kjalar

Ef þú hefur áhuga á að taka að þér þetta hlutverk stendur þú aldrei einn. Kjölur stéttarfélag veitir trúnaðarmönnum öflugan stuðning, ráðgjöf og fjölbreytta fræðslu sem nýtist bæði í starfi og persónulegri þróun.

Trúnaðarmaður gegnir mikilvægu hlutverki á vinnustað. Hann stendur vörð um réttindi og kjör félagsfólks, veitir stuðning og er mikilvægur tengiliður milli starfsfólks, atvinnurekanda og stéttarfélagsins.

Þú þarft ekki að vera sérfræðingur í kjarasamningum eða vinnurétti til að hefja störf sem trúnaðarmaður. Mikilvægast er að hafa áhuga á fólki, réttindum þess og góðu samstarfi á vinnustað. Kjölur stendur eykur þekkinginu með fræðslu og veitir stuðning til trúnarðarmanna.

Fræðslan er unnin í samstarfi við viðurkennda fræðslu- og símenntunaraðila og er ætlað að efla trúnaðarmenn í hlutverki sínu, styrkja sjálfstraust þeirra og auka færni til að styðja félagsfólk á sem bestan hátt.

• Stutt kynning á starfssemi Kjalar stéttarfélags 

Félagsmálaskóli alþýðu geftur út handbók trúnaðarmanna sem má nálgast hér. Þar er meða annars fjallað um hlutverk, réttindi og skyldur trúnaðarmanna. 

Handbók trúnaðarmannsins

Lög um kjarasamninga opinberra starfsmanna  gilda fyrir opinberra starfsmenn

Jafnframt sem lög um sáttastörf og vinnudeildur kaflinn um trúnaðarmenn gilda: Lög um sáttastörf og vinnudeilur  nr. 80/1938

Í kjarasamningi er að finna viðauka sem felur í sér samkomulag um trúnaðarmenn og gildir bæði hjá sveitafélögum og ríki

VIÐAUKI 2: SAMKOMULAG UM TRÚNAÐARMENN

Samþykkt á fundi Launanefndar sveitarfélaga og viðræðunefndar bæjarstarfsmanna 31. maí 1991.

1. grein Skv. þessu samkomulagi teljast þeir trúnaðarmenn í skilningi laga   nr. 94/1986, um kjarasamninga opinberra starfsmanna sem eru:

1.1. kjörnir trúnaðarmenn skv. 28. gr. þeirra laga, sbr. einnig 2. gr. Þessa samkomulags
1.2. kjörnir trúnaðarmenn skv. 2. gr. þessa samkomulags
1.3. kjörnir stjórnarmenn stéttarfélaga og heildarsamtaka þeirra
1.4. kjörnir samninganefndarmenn stéttarfélaganna.

2. grein Trúnaðarmenn má kjósa fyrir svæði ef vinnustaðir uppfylla ekki fjöldaskilyrði 1. mgr. 28. gr. laga nr. 94/1986. Trúnaðarmann má kjósa fyrir hverja þrjá vinnustaði þar sem áðurnefnd fjöldaskilyrði eru ekki uppfyllt. Á þeim vinnustöðum þar sem starfsmenn vinna skv. mismunandi vinnutímakerfum, skal þrátt fyrir ákvæði 28. gr. laga nr. 94/1986, kjósa einn trúnaðarmannanna hið minnsta fyrir hvert vinnutímakerfi.

3. grein Trúnaðarmönnum skal heimilt að sækja þing, fundi og ráðstefnur á vegum stéttarfélagsins í allt að eina viku einu sinni á ári án skerðingar á reglubundnum launum.

Þeir sem kjörnir eru í samninganefnd fá leyfi til að sinna því verkefni án skerðingar á reglubundnum launum.

Í öllum framangreindum tilvikum skal tilkynna yfirmanni stofnunar með eðlilegum fyrirvara um slíkar fjarvistir.

[4. grein]²

1. grein Óski annar hvor aðila eftir breytingum á samkomulagi þessu, skal hann kynna gagnaðila þær skriflega. Takist ekki samkomulag innan þriggja mánaða, getur hvor aðila um sig innan einnar viku sagt upp samkomulagi þessu með eins mánaðar fyrirvara.

Í reglum þessum er trúnaðarmaður sá sem kosin er á vinnustað, aðaltrúnaðarmaður er valinn af trúnaðarmönnum og hefur aukaskyldur gagnvart félaginu og kjörnum trúnaðarmönnum

Starfsskyldur trúnaðarmanns:

• Starfar sem tengiliður – milli félagsfólks og stjórnanda stofnananna – milli félagsfólks og stjórnar KJALAR
• Stendur vörð um réttindi og skyldur
• Gætir hagsmuna KJALAR stéttarfélags í starfi sem utan þess
• Upplýsir nýja félaga um sína stöðu
• Annast upplýsingar á vinnustað
• Tekur á móti umkvörtunum
• Leitar leiða til lausna
• Heldur vinnustaðafundi
• Fylgist með kjara- og réttindaumræðu

Starfsskyldur aðaltrúnaðarmanns:

• Starfar sem tengiliður – milli félagsfólks og stjórnanda stofnananna – milli félagsfólks og stjórnar KJALAR
• Er fulltrúi svæðisdeildar í fulltrúaráði félagsins
• Stendur vörð um réttindi og skyldur
• Gætir hagsmuna KJALAR stéttarfélags í starfi sem utan þess
• Upplýsir nýja félagsmenn um sína stöðu
• Annast upplýsingar á vinnustað
• Tekur á móti umkvörtunum
• Leitar leiða til lausna
• Heldur vinnustaðafundi
• Fylgist með kjara- og réttindaumræðu
• Boðar til fundar með trúnaðarmönnum innan sinnar starfsdeildar.

Aðaltrúnaðarmaður sér jafnframt til þess að hlutverki svæðisdeildar sé fullnægt með eftirfarandi:

• Að afla upplýsinga fyrir aðalstjórn til framfara hverju sinni.
• Að dreifa upplýsingum og aðstoða félagsmenn.
• Að funda þegar þurfa þykir um sérmál svæðisins og koma tillögum til aðalstjórnar.
• Að gera tillögur til aðalstjórnar um fjárframlög til svæðisdeildarinnar.
• Að halda fundi árlega með þátttöku stjórnar/ starfsmanna.
• Að sjá um skemmtiferðir/árshátíðir.
• Að stuðla að samheldni og samvinnu meðal félagsmanna
• Að vinna að þeim hagsmunamálum sem upp koma hverju sinni

Skyldur félagsins gagnvart trúnaðarmönnum og aðaltrúnaðarmönnum

• Heldur námskeið, fundi
  • um félagið
  • um kjarasamninga
  • um lög og reglugerðir
  • um sjálfstyrkingu, tjáningu, samningatækni
• Aðstoðar við þau mál sem upp koma
• Upplýsa um stöðu kjara-og réttindamála
• Samantektir og aðstoð frá skrifstofu

Trúnaðarmenn eru brúin á milli félagsfólks og Kjalar stéttarfélags. Starf þeirra er einn af mikilvægustu hlekkjunum í því að tryggja gott samstarf, öryggi og réttindi á vinnustöðum. Þar sem hlutverkið getur verið bæði fjölbreytt og krefjandi, leggur Kjölur ríka áherslu á vandaða og samfellda fræðslu.

Markmið Kjalar með fræðslunni:

• Valdefling og stuðningur: Að búa trúnaðarmenn út með þekkingu, tæki og tól til að takast á við dagleg verkefni af öryggi.
• Fagleg sérþekking: Að bjóða upp á hágæða menntun í samstarfi við viðurkennda símenntunar- og fræðsluaðila.
• Sterkara bakland: Að tryggja að trúnaðarmaðurinn standi aldrei einn, heldur hafi ávallt stuðning stéttarfélagsins á bak við sig.

Af hverju er trúnaðarstarfið svona mikilvægt?

• Öruggari vinnustaðir: Trúnaðarmenn gæta þess að samningar séu virtir og vinna að bættu vinnuumhverfi fyrir alla.
• Góð upplýsingamiðlun: Þeir miðla mikilvægum upplýsingum á milli starfsfólks og stjórnenda, sem dregur úr ágreiningi og eykur traust.
• Árangur til framtíðar: Öflugt trúnaðarmannastarf skilar sér í hæfara og ánægðara starfsfólki, sem er grunnurinn að árangri á öllum vinnustöðum.

Trúnaðarmenn sem sækja fundi eða fræðslu á vegum Kjalar og þurfa að ferðast fá greiddan ferða- og dvalarkostnað samkvæmt reglum félagsins. Hér að neðan má sjá helstu atriði þeirra.

• Trúnaðarmenn skulu ferðast með eins hagkvæmum hætti og mögulegt er.

• Nýta skal bílaleigubíl þar sem því verður við komið. Þegar fleiri en einn trúnaðarmaður á erindi á sama stað skulu þeir samnýta bíl eins og kostur er.

• Þar sem ekki er hægt að nýta bílaleigubíl greiðir félagið ferðakostnað sem nemur 60% af gjaldskrá ferðakostnaðarnefndar ríkisins.

• Kjósi trúnaðarmaður að ferðast á eigin vegum vegna persónulegra aðstæðna greiðir félagið 20% af gjaldskrá ferðakostnaðarnefndar ríkisins.

• Gisting

  Geti trúnaðarmaður ekki ferðast fram og til baka samdægurs sér félagið honum fyrir gistingu. Tilkynna þarf skrifstofu Kjalar um þörf fyrir gistingu með að minnsta kosti 10 daga fyrirvara.

• Fæði

  Þurfi trúnaðarmaður að dvelja lengur en sex klukkustundir að heiman sér félagið honum fyrir fæði eða greiðir fæðiskostnað sem nemur hálfum dagpeningi samkvæmt viðmiðum RSK.

• Annað

  Í þeim tilvikum sem reglurnar ná ekki til skal semja sérstaklega um greiðslur við skrifstofu Kjalar áður en ferð er farin.

  Greiðslur fara fram um næstu mánaðamót eftir að viðburður hefur átt sér stað.

Gildistaka

Reglurnar voru samþykktar í stjórn Kjalar 10. desember 2024 með breytingum sem tóku gildi 1. janúar 2026.

Sækja hér um 

Kjör trúnaðarmanna fer fram á tveggja ára fresti. Reglulegt kjörtímabil stendur frá september til október 2026 og næstu reglulegu kosningar verða haldnar árið 2028.

Heimilt er að kjósa trúnaðarmann hvenær sem er á vinnustað þar sem ekki hefur áður verið kjörinn trúnaðarmaður. Ef trúnaðarmaður lætur af störfum á vinnustaðnum áður en kjörtímabili lýkur skal einnig kjósa nýjan trúnaðarmann í hans stað.

Neðst á síðunni má finna eyðublöð og gögn sem hægt er að hlaða niður og prenta út.

Framkvæmd kjörs trúnaðarmanns

Undirbúningur kosninga

Fráfarandi trúnaðarmaður eða skipaður umboðsmaður sér um undirbúning og framkvæmd kosningar.

Umboðsmaður:

• Auglýsir kjörið á áberandi stað á vinnustað og tilgreinir nafn sitt sem umsjónaraðila,
• Tekur við skriflegum tilnefningum frá félagsfólki,
• Aflar skriflegs samþykkis þeirra sem gefa kost á sér,
• Auglýsir kosninguna með að minnsta kosti 10 daga fyrirvara og birtir nöfn frambjóðenda,
• Útbýr lokaðan kjörkassa eða sér um rafræna kosningu ef hún er notuð.

Framkvæmd kosningar

Ef aðeins einn frambjóðandi gefur kost á sér telst hann sjálfkjörinn. Umboðsmaður getur þó ákveðið að kosning fari fram þrátt fyrir að aðeins einn sé í framboði.

Við kosningu:

• Hver kjósandi ritar nafn eins frambjóðanda á atkvæðaseðil,
• Seðillinn er brotinn saman og settur í kjörkassa,
• Seðlar með fleiri en einu nafni teljast ógildir.

Umboðsmaður sér um talningu atkvæða og öllum sem höfðu kosningarétt er heimilt að fylgjast með talningunni.

Sá sem hlýtur flest atkvæði er kjörinn trúnaðarmaður. Ef atkvæði falla jöfn ræður hlutkesti.

Að lokinni kosningu

Þegar kosningu er lokið fyllir umboðsmaður út rafræna tilkynningu um kjör trúnaðarmanns.

Ef ekki tekst að kjósa trúnaðarmann

Berist tilkynning um kjör ekki fyrir 10. október hefur stjórn Kjalar heimild til að skipa trúnaðarmann án kosningar og tilkynnir það félagsfólki á viðkomandi vinnustað.

Stjórn Kjalar leggur þó ríka áherslu á að trúnaðarmenn séu kjörnir af samstarfsfólki sem eru félagar Kjalar stéttarfélag og lítur því á skipun stjórnar sem neyðarúrræði.

Skjöl

• Ítarlegar leiðbeiningar
• Einfaldar leiðbeiningar
• Auglýsing um kjör trúnaðarmanns
• Tilkynning um kjör trúnaðarmanns

Nauðsynlegt er að skrá sig á námskeiðið í síðasta lagi 

Sjá eyðublað hér neðar