Fjárfestu í sjálfum þér

Vegna námskeiða og skólagjalda:

• Nauðsynlegt er að skila löglegum reikningi á nafni félagsmanns þar sem fram kemur nám/námskeiðslýsing, nafn og kennitala fræðsluaðila.
• Ef ekki kemur fram staðfesting á greiðslu á reikningi þarf að skila til viðbótar staðfestingu á greiðslu, t.d. úr heimabanka eða greiðslukvittun frá viðkomandi skóla/fyrirtæki. 

Vegna náms- og kynnisferða og ráðstefna:

• Bréf frá stofnun/fyrirtæki/vinnustað umsækjanda, þar sem upplýst er um tilhögun, tilgang og markmið ferðarinnar. Bréf þetta skal vera áritað af yfirmanni og staðarval rökstutt
• Dagskrá ferðar (lengd faglegrar dagskrár erlendis skal vera að lágmarki 10 klukkustundir og dreifast á a.m.k. tvo daga, innanlands skal dagskrá vera að lágmarki 6 klst.)
• Hlekkur á vefsíðu og dagskrá þarf að fylgja umsókn um ráðstefnur
• Afrit af farseðli eða hliðstæðar kvittanir vegna útlagðs ferðakostnaðar

Reikningur má ekki vera eldri en 12 mánaða og ekki gefinn út fyrir þann tíma sem félagsmaður öðlast rétt í sjóðnum.

Styrkur er greiddur sem næst í tíma, þó er styrkur aldrei greiddur út fyrir fram heldur að ferð lokinni og/ eða seta á styttri námskeiðum sé lokið.

Styrkir vegna skólagjalda eru ekki greiddir út fyrr en skólaönn er hafin og staðfesting frá skóla um skólavist hefur borist.

Félagsfólk getur að hámarki fengið allt að kr. 150.000,- í styrk á 12 mánaðar tímabili.

Félagsfólk sem ekki hefur nýtt rétt síðustu 36 mánuði á rétt á styrk allt að 350.000,- fyrir eitt samfellt nám/námskeið samkvæmt reglum sjóðsins að uppfylltum skilyrðum 2. gr. úthlutunarreglna þessa.

Nánari skilgreining á hámarksfjárhæðum kemur fram hér að neðan:

Starfstengd námskeið

• Þurfa að falla að viðmiðum um námskeið og haldin af viðurkenndum fræðsluaðila
• Íslenskukennsla fellur undir starfstengt nám
• Ef starfstenging er óljós þarf að rökstyðja tengingu við starf
• Styrkur getur numið allt að 150.000.- krónum á 12 mánaða tímabili

Sjálfsstyrking og lífsleikni námskeið

• Þurfa að falla að viðmiðum um námskeið og haldin af viðurkenndum fræðsluaðila
• Haldið innanlands
• Starfstengd markþjálfun, að hámarki 5 tímar á ári
• Styrkur getur numið allt að 50.000.- krónum á 12 mánaða tímabili. Aldrei er þó greitt meira en sem nemur 80% af námskostnaði

Framhaldsskólanám

• Nám til eininga
• Styrkur getur numið allt að 150.000.- krónum á 12 mánaða tímabili

Háskólanám

• Nám til eininga
• Styrkur getur numið allt að 75.000.- krónum á 12 mánaða tímabili

Náms og kynnisferðir / ráðstefnur

• Krafa er gerð um skipulagða dagskrá sem inniheldur starfstengd fræðsluerindi og uppfyllir að lágmarki 10 klst. erlendis en 6 klst. innanlands
• Skýr tilgangur, markmið og tilhögun náms- og kynnisferðar í takt við starfsþróunaráætlun vinnustaðar
• Staðfesting móttökuaðila þarf að fylgja umsókn ef heimsókn er hluti af skipulagðri dagskrá
• Hlekkur á vefsíðu og dagskrá þarf að fylgja umsókn um ráðstefnur
• Styrkur getur numið allt að 150.000.- krónum á 36 mánaða tímabili

Ferðakostnaður

• Ferð tengist námi, námskeiði eða ráðstefnu innanlands
• Vegalengd milli dvalarstaðs og fræðslustofnunar er meiri en 100 km.
• Skila þarf inn staðfestingu á mætingu frá skóla/fræðsluaðila
• Greiddur reikningur verður að vera á nafni félagsmanns
• Styrkur getur numið allt að 50.000.- krónum á 12 mánaða tímabili

• Einungis félagsfólk Kjalar stéttarfélags getur fengið styrk úr sjóðnum og þarf það að hafa greitt félagsgjöld í a.m.k. 6 mánuði á síðustu 12 mánuðum.
• Við ákvörðun styrkupphæðar er miðað við greidd félagsgjöld síðustu 12 mánaða. Til þess að njóta fullra réttinda í sjóðinn þurfa félagsgjöld að vera a.m.k. kr. 45.000,-. Hlutastarfandi er veittur styrkur í hlutfalli við greidd félagsgjöld sl. 12 mánuði.
• Félagsfólk þarf að vera í starfi bæði þegar sótt er um styrk og hann notaður.
• Stjórn sjóðsins er heimilt að taka tillit til uppsafnaðra réttinda hjá öðrum sjóðum innan BSRB félaga og annarra eftir atvikum eða sérstökum samningum milli félaga.
• Félagsfólk sem ekki hefur íslensku að móðurmáli getur sótt um styrk vegna íslenskukennslu eftir að hafa greitt félagsgjald í einn mánuð, þó aldrei hærri upphæð en hámarksréttur segir til um.
• Sá sjóðsfélagi sem verður atvinnulaus og greiðir gjald til félagsins af atvinnuleysisbótum á rétt á styrk miðað við réttarstöðu hans þegar hann varð atvinnulaus.

• Sjóðsfélagi í fæðingarorlofi getur nýtt sér áunninn rétt ef hann hefur valið að greiða stéttarfélagsgjöld á meðan á orlofi stendur.

• Falli greiðslur í sjóðinn niður vegna veikinda, fæðinga/foreldraorlofs eða launalauss leyfis skal meðhöndla þann tíma eins og um greiðslur hafi verið að ræða svo framarlega sem ráðningarsamband sé virkt, skila þarf inn staðfestingu atvinnurekanda á því.
• Félagsfólk sem lætur af störfum vegna aldurs eða örorku heldur aðild þeim hlut sjóðsins sem snýr að sjálfstyrkingu og lífsleikni í 24 mánuði eftir að greiðslu iðgjalda lýkur. Styrkir vegna starfstengdra námskeiða og eða náms- og kynnisferða eru einungis í boðið fyrir félagsfólk með ráðningarsamband.

Til þess að námskeið séu styrkhæf þurfa þau að vera haldin af viðurkenndum fræðsluaðila og fylgja eftirfarandi viðmiðum:

1. Skilgreint upphaf og endir
2. Aðgengilegar upplýsingar
3. Opið öllum
4. Fylgir fyrirfram ákveðinni áætlun eða skilgreiningu
5. Viðburðir, ráðgjöf, persónuleg áætlun og handleiðsla uppfylla ekki skilyrði námskeiðs

Námskeiðsstyrkir eru skattskyldir, en heimilt að færa kostnað til frádráttar ef námskeiðið tengist starfi styrkþega.
Óheimilt er að færa frádrátt á móti styrkjum vegna námskeiða sem varða sjálfsstyrkingu og lífsleikni eða annað það sem telst eingöngu persónulegur kostnaður.

1. gr. Nafn sjóðsins og heimili 
a. Sjóðurinn heitir Fræðslusjóður Kjalar kt. 480196-3419. 
b. Heimili sjóðsins og aðalstarfsstöð er á skrifstofu Kjalar Stéttarfélags að Skipagötu 14, 600 Akureyri, nema stjórn ákveði annað. 
c. Varnarþing sjóðsins er á Akureyri. 

2. gr. Markmið og hlutverk sjóðsins 
a. Markmið sjóðsins er að auka hæfni sjóðsfélaga og möguleika þeirra til starfsþróunar í starfi eða eftir atvikum að styrkja þá til sí- og endurmenntunar. Þannig geti sjóðsfélagar bætt við og eða endurnýjað menntun sína og viðhaldið virði sínu á vinnumarkaði. 
b. Fræðslusjóður Kjalar er tvískiptur og er hlutverk hans annars vegar það styrkja félagsfólk til að stunda nám, sækja einstök námskeið, og að sækja ráðstefnur innanlands og utan. Hins vegar er sjóðnum ætlað að standa að fræðslu fyrir félagsfólk og trúnaðarmenn ásamt því að greiða umbun trúnaðarmanna. 

3. gr. Tekjur sjóðsins 
a. Kjarasamningsbundin starfsmenntunarsjóðsgjöld atvinnurekenda til sjóðsins. 
b. Vaxtatekjur. 

4. gr. Sjóðsstjórn 
a. Stjórn Kjalar skipar formann stjórnar Fræðslusjóðs og aðra stjórnarmenn og skal stjórn sjóðsins skipuð fimm fulltrúum. 
b. Stjórn sjóðsins skal móta og þróa starfsemi í samræmi við hlutverk hans sbr. 2. gr. samþykkta þessara. 

5. gr. Rekstur sjóðsins og ávöxtun 
a. Skrifstofa Kjalar sér um daglegan rekstur sjóðsins í umboði stjórnar. 
b. Fé sjóðsins skal ávaxta á sem tryggastan hátt. c. Reikningsár sjóðsins er almanaksárið og skal ársreikningur endurskoðaður og borinn upp á aðalfundi félagsins ár hvert ásamt skýrslu stjórnar. 

6. gr. Réttindi í sjóðnum 
a. Einungis félagsfólk Kjalar stéttarfélags starfsmanna í almannaþjónustu getur fengið styrk úr sjóðnum og þarf að vera í starfi bæði þegar það sækir um styrk og notar. 

7. gr. Reglur sjóðsins 
Sjóðstjórn setur verklags- og úthlutunarreglur, skulu þær endurskoðaðar ár hvert og breytingar á þeim kynntar á heimasíðu sjóðsins. 

8. gr. Endurgreiðsla iðgjalda 
Iðgjöld og aðrar greiðslur til sjóðsins eru ekki endurgreiddar. 

9. gr. Málskot 
Heimilt er að vísa ágreining um úthlutun eða réttindi til stjórnar Kjalar stéttarfélags. 

10. gr. Breytingar á samþykktum 
a. Samþykkt þessari má breyta á aðalfundi Kjalar stéttarfélags að undangenginni kynningu hjá stjórn félagsins, fara skal með þær breytingar eins og ef um lagabreytingar væri að ræða. 
b. Tillaga að breytingu þarf að berast skrifstofu sjóðsins 14 dögum fyrir aðalfund. 

Samþykkt á stjórnarfundi Kjalar stéttarfélags þann í desember 2022