Launatöflur og önnur laun -Minjasafnið á Akureyri

Með vísan til greinar 10.1.3 skulu starfsmenn fá persónuálag vegna árlegrar þátttöku í símenntunaráætlun sem hér segir:

• 2% eftir 1 árs starf hjá sveitarfélögum og/eða öðrum sambærilegum störfum.
• Samtals 4% eftir 5 ára starf hjá sveitarfélögum og/eða öðrum sambærilegum störfum.
• Samtals 6% eftir 9 ára starf hjá sveitarfélögum og/eða öðrum sambærilegum störfum.
• Samtals 8% eftir 15 ára starf hjá sveitarfélögum og/eða í öðrum sambærilegum störfum.

Við mat á starfstíma hjá öðrum vinnuveitendum til persónuálags getur sveitarfélag krafið starfsmann um gögn sem staðfesta þann starfstíma (vinnuveitendavottorð). Hækkun vegna starfstíma kemur til framkvæmda næstu mánaðarmót eftir að fullnægjandi gögn hafa borist vinnuveitanda.

Telst hálfur mánuður og stærri brot úr mánuði sem heill mánuður. Öðrum dögum skal sleppt.

Leiðbeining: þegar þú kemur til starfa hjá sveitarfélagi skaltu leggja fram starfsvottorð frá fyrri vinnuveitendum um starfstíma þinn þar. Sveitarfélagið hefur svo val um að meta hann nema sé hann frá öðru sveitarfélagi þá skal hann metinn til starfsaldurs og til mats á veikindarétti ásamt starfsaldri frá ríki og sjálfsteignastofnun. 

Mat á sambærilegum störfum annars starðar frá skal metin og þá er líka gott að eiga starfslýsingu til að leggja fram með starfsvottorði til að auðvelda mat á sambærilegu starfi. 

Já það er gert og samkvæmt grein 10.2.3 Menntun á framhaldsskólastigi

Þeir starfsmenn sem hafa lokið starfstengdu námi á framhaldsskólastigi eða stúdentsprófi fá persónuálag sem nemur 2% fyrir hverjar 100 fein. Skilyrt er að námið tengist starfi viðkomandi starfsmanns.

Framangreint gildir ekki ef gerð er krafa um tiltekna framhaldskólamenntun í starfið og tekið hefur verið tillit til við röðun í starfsmati.

Stúdentspróf er jafngilt til mats í hvaða starf sem er.

Hækkun samkvæmt grein þessari getur mest orðið 4% og skal taka gildi næstu mánaðamót eftir að starfsmaður leggur fram fullnægjandi gögn um námslok. Einingar eru aldrei tvítaldar.

Þeir sem þegar njóta persónuálags á grundvelli eldri ákvæða kjarasamningsins halda því meðan þeir starfa hjá viðkomandi sveitarfélagi.

Almenn námskrá framhaldsskóla kveður á um að stúdentspróf skuli vera á bilinu 200 til 240 fein og er á þriðja hæfniþrepi.

Leiðbeining; Leggja skal fram ljósrit af loknu framhaldsskólanámi og námi á öðru hæfniþrepi frá símenntunarmiðstöð sé það umfram grunnkröfur til starfs. 

Nám erlendis frá: Allt erlent nám þarf fyrst að láta meta í gegnum ENIC/NARIC. Sendið gögn ykkar til þeirra og þegar svar frá þeim hefur borist, þá má senda inn beiðni um námsmat og matið verður skoðað af launadeild. 

Ekki hika við að hafa samband við skrifstofu Kjalar sími 525 8383 eða á kjolur@kjolur.is til að fá aðstoð við samskipti við launadeild. 

Já í grein í 10.2.5 Grunnpróf á háskólastigi. Ekki er gerð krafa um háskólamenntun í starfið.

Hafi starfsmaður, sem sinnir starfi þar sem ekki er gerð krafa um háskólamenntun, lokið háskólaprófi allt að 180 ECTS, er heimilt að meta nám hans til 2% persónuálags fyrir hverjar 30 ECTS einingar.

Sé þessi heimild nýtt ávinnur starfsmaðurinn sér ekki persónuálag samkvæmt gr. 10.2.1, 10.2.3 og 10.2.4.

Hækkun samkvæmt grein þessari getur mest orðið 12% og skal taka gildi næstu mánaðamót eftir að starfsmaður leggur fram fullnægjandi gögn um námslok. Einingar eru aldrei tvítaldar.

Tilgangur samningsaðila með greininni er að auka hvata til að meta háskólamenntun starfsmanna sem sinna störfum sem ekki krefjast háskólamenntunar. Mælt er með því að heimildin sé nýtt þegar hún er starfsmanni hagstæðari.

10.2.6 Lokapróf á háskólastigi. Gerð er krafa um háskólamenntun í starfi.

Starfsmaður sem er í starfi þar sem krafist er háskólamenntunar ávinnur sér ekki persónuálag samkvæmt gr. 10.2.1, 10.2.3, 10.2.4 og 10.2.5, enda tekið tillit til menntunar hans við röðun starfsins í starfsmati.

Almennur starfsmaður eða leiðbeinandi sem lokið hefur 90 ECTS eininga námi til B.Ed. gráðu í leikskólafræðum skal fá 4% hækkun á persónuálagi. Þegar B.Ed. gráðu er náð falla persónuálagsstigin niður.

10.2.7 Viðbótarmenntun á háskólastigi. Gerð er krafa um háskólamenntun í starfi.

Ljúki starfsmaður formlegri prófgráðu á háskólastigi umfram grunnpróf (180 ECTS) hækkar persónuálag hans um 2% fyrir hverjar 30 ECTS einingar.

Hækkun skv. þessari grein á þó einungis við þegar námið er ekki metið í starfsmati eða leiðir til þess að starfsmaður flyst í annað starf.

Hækkun samkvæmt grein þessari getur mest orðið 16% og skal taka gildi næstu mánaðamót eftir að starfsmaður leggur fram fullnægjandi gögn um námið. Einingar eru aldrei tvítaldar.

Nám erlendis frá: Allt erlent nám þarf fyrst að láta meta í gegnum ENIC/NARIC. Sendið gögn ykkar til þeirra og þegar svar frá þeim hefur borist, þá má senda inn beiðni um námsmat og matið verður skoðað af launadeild. 

Ekki hika við að hafa samband við skrifstofu Kjalar sími 525 8383 eða á kjolur@kjolur.is til að fá aðstoð við samskipti við launadeild. 

4.1. Samkomulag um sérstakar greiðslur lægstu launa á starfsmatsstigabilum

Greiðslan er föst fjárhæð miðað við starfshlutfall, óháð einstaklingsbundnum launamyndunarþáttum, og tekur ekki hækkunum á samningstímanum. Orlofslaun teljast innifalin í ofangreindum fjárhæðum. Greiðslur skv. ofangreindu falla niður í lok samningstímans, þann 31. mars 2028, án frekari fyrirvara, en þó þannig að greiðslur haldast í samræmi við framkvæmd þar til gengið hefur verið frá nýjum kjarasamningi milli aðila.

Fái starf endurmat/endurskoðun til hærri stigaröðunar og/eða ef breyting verður á starfsheitum/ráðningarkjörum starfsfólks á ofangreindum stigabilum, þannig að launaröðun taki mið af hærri stigaröðun, tekur greiðsla breytingum í samræmi við breytt stigabil. Nái stigaröðun starfs hærri stigaröðun en 399 starfsmatsstigum falla greiðslur skv. ofangreindu niður.

Dæmi: Þegar starf hækkar sem er í launaflokki 128 og fer í launaflokk 130 þá lækkar viðbótargreiðslan úr 10.067 kr. í 2.685 kr. per mánuð.